Gonzalo Llamedo Pandiella (Nava, 1990), miembru de la Xunta Directiva de l’Asociación d’Escritores d’Asturies, resultó ganador del Premiu Asturies Xoven de Poesía na so edición de 2025, cola obra n’asturianu Venir de Marte. El premiu ta dotáu con 3.000 euros y la publicación de la obra.
El xuráu, qu’aconceyó’l 4 d’avientu del 2025, tuvo integráu pol director de la Escuela Superior d’Arte Dramático (ESAD), Pedro Ignacio Ortega; la doctora n’Investigaciones Humanístiques pola Universidá d’Uviéu, María Fernández Abril, y l’escritor y director de la Selmana Negra de Xixón, Miguel Barrero.
El xuráu destacó del poemariu ganador “la escucha y unidá temática qu’enceta la identidá dende la memoria, el cuerpu y la resistencia”. Amás, el director xeneral de Mocedá sorrayó l’aumentu de la participación nel certame, al que se presentaron 19 poemarios.
Venir de Marte ye’l segundu poemariu de Gonzalo Llamedo, dempués de la publicación de la obra Los fíos de Bauman (Trabe, 2025), ganadora del XXVIII Premiu Fernán Coronas de poesía.
