Morrió Nené Losada Rico, decana de les lletres asturianes

0
119

La escritora valdesana Nené Losada Rico, decana de les lletres asturianes mos dexó esti sábadu a la edá d’87 años. La poeta y narradora ñació en L.luarca’l 10 de payares de 1921. Escritora autodidacta, escribió relatos y poemes en castellán. Más tarde, entamó a facelo na llingua asturiana, con formes poétiques cercanes a la poesía popular. En 1992 recoyó bona parte de la so obra en versu nel volume Cantares valdesanos, n’edición de Consuelo Vega, que se completa col nuevu llibru poéticu apaecíu en 1997 col títulu de Entre apigarcios.
Col so nome convócase cada añu un premiu de poesía, un d’ellos, Restos de un Naufragio de Natalia Menéndez, reseñáu estos díes en LITERARIAS. Nel añu 2000 recibió l’Urogallo 2000, entregáu pol Centru Asturianu de Madrid, al que nel 2005 se-y sumó la medaya de plata del Principáu d’Asturies y en 2008 foi nomada Fía Predilecta del Conceyu de Valdés.

Dejar respuesta

Please enter your comment!
Please enter your name here