José Ángel Gayol gana’l XX Premiu de la Crítica de l’Asociación d’Escritores d’Asturies na categoría de  Narrativa n’asturianu

0
118

 

Esti xueves pasáu, 10 d’avientu, a les 19:00 hores, axuntó de forma telemática’l xuráu del Premiu de la Crítica de l’Asociación d’Escritores d’Asturies (AEA) na categoría de Narrativa n’asturianu, conformáu polos escritores: Dolfo Camilo Díaz, Rafa Rodríguez Valdés y Ánxel Álvarez Nava, y como secretariu con voz pero sin voto: Víctor Suárez Piñero. Secretariu de la Asociación.

Tres destacar el contentu pola bona participación y sobre manera pola calidá de les

cuatru obres presentaes como candidates al premiu, lo que pal xuráu fala del bon momentu del panorama lliterariu n’asturianu, aldericóse sobre les mesmes, tomándose por unanimidá’l determín de declarar ganador del premiu al llibru “En primera persona”. E, Trabe.  De José Ángel Gayol.

El xuráu destaca el valor del xéneru que desarrolla: el diario. L’autor presenta una obra homoxénea pese a la so variedá temática, bien pensada na  que nun se’escuende  y s’amuesa  una verdá cola que ye fácil empatizar.

L’autor tien nel so haber otros premios como’l premiu Asturies Xoven gana’l  de Testos Teatrales cola obra Ensin noticies del fin del mundu. En 2011 consigue’l premiu “Elvira Castañón” pol llibru Los poemes del orienta], y el premiu Fernán Coronas col poemariu Los suaños y los díes. En 2012 gana’l Premiu Xuan María Acebal de poesía con El llibru de les coses misterioses, confirmándose como “ún de los poetes n’asturianu más destacaos de la so xeneración”. En 2015 faise  col  fuertes Acevedo d’ensayu con “Vértigu, premiu que volvería a ganar con El silenciu invisible .L’atracción del abismu na sociedá contemporánea”. Nel añu 2018 alzaríase col premiu de II Concursu de rellatos curtios “Xosé Caveda y Nava” col so trabayu Tolo que sé sobre toles coses y en 2020 sedría’l ganador del Concursu de Cuentos pola Oficialidá del Asturianu del conceyu Bimenes col cuentu: Dalgunes posibilidaes de la domótica.

 

Dejar respuesta

Please enter your comment!
Please enter your name here